దోహా: దోహా మరియు చుట్టుపక్కల ప్రాంతాలలో నిర్వహణ పనులు నిర్వహించడానికి వీలుగా ఈ వారాంతం నుండి పలు కీలక రోడ్లను మూసివేయనున్నట్లు ఖతార్ పబ్లిక్ వర్క్స్ అథారిటీ, అష్ఘల్ ప్రకటించింది. వాహనదారులు ప్రత్యామ్నాయ మార్గాలలో వెళ్లాలని సూచించారు.

సల్వా నుండి వాడి ముషైరెబ్ కూడలి వైపు వచ్చే జబుర్ బిన్ అహ్మద్ సర్కిల్ దగ్గర రెండు లేన్లను సెప్టెంబర్ 12 వ తేది తెల్లవారుజామున 2 గంటల నుండి  సెప్టెంబర్ 13 ఉదయం 7 గంటల వరకు మూసివేయబడుతుంది.

లెజ్‌బైలాట్ ఇంటర్‌చేంజ్ నుండి అల్ మార్ఖియా స్ట్రీట్‌లోని ఒనైజా ఇంటర్‌చేంజ్ వైపు వచ్చే సింగిల్ లేన్ మరియు ఎడమవైపు యూటర్న్ లేన్  సెప్టెంబర్ 12న ఉదయం 2 గంటల నుండి  సెప్టెంబర్ 13 ఉదయం 7 గంటల వరకు మూసివేయబడుతుంది.  ట్రాఫిక్ ను లెఖ్వైర్ ఇంటర్‌చేంజ్ వైపు మళ్లిస్తారు. 

మర్ఖియా ఇంటర్ చేంజ్ నుండి టెలివిజన్ సర్కిల్ వైపు వెళ్లే ట్రాఫిక్ కోసం అల్-జామియా వీధిలోని రెండు ఎడమ లేన్‌లను పూర్తిగా మూసివేస్తారు. సెప్టెంబర్ 13వ తేది రాత్రి 11 గంటల నుండి సెప్టెంబర్ 18వ తేది ఉదయం 5 గంటల వరకు వాహనాలను దారి మళ్లిస్తారు.

అల్-జామియా స్ట్రీట్ లోని వాహనదారులు తమ గమ్యస్థానాలకు చేరుకోవడానికి సర్కిల్స్ వద్ద కుడి లేన్‌లను ఉపయోగించుకోవాలని అష్ఘల్ కోరింది.

ఇక వాహనదారులు అధికారిక స్పిడ్ లిమిట్స్ ను కచ్చితంగా పాటించాలని, రోడ్డుపై పెట్టే సిగ్నల్స్ ను అనుసరించాలని, ట్రాఫిక్ సమస్యలను అధిగమించేందుకు ప్రత్యామ్నాయ మార్గాలను ఉపయోగించాలని వాహనదారులను అష్ఘల్ కోరింది.