కువైట్: కువైట్‌లో సుమారు 757,000 మంది గృహ కార్మికులు సగటున నెలకు 120 దినార్ల జీతం సంపాదిస్తున్నారు. ఈ మేరకు సెంట్రల్ స్టాటిస్టికల్ బ్యూరో అధికారిక డేటా తెలిపింది. ఇది నెలకు దాదాపు 90 మిలియన్ దినార్లకు, లేదా సంవత్సరానికి సుమారు 1.1 బిలియన్ దినార్లుగా పేర్కొంది. ఇంత పెద్ద ఆర్థిక లావాదేవీలు జరుగుతున్నప్పటికీ, చాలా మంది గృహ కార్మికులు అధికారిక బ్యాంకింగ్ వ్యవస్థకు వెలుపలే ఉన్నారు. కువైట్ కార్మిక మార్కెట్‌లో గృహ కార్మికులు సుమారు 25.3 శాతం ఉన్నందున వారిని బ్యాంకింగ్ వ్యవస్థలోకి తీసుకురావడానికి కృషి చేస్తున్నట్టు తెలిపింది.