మనామా: బహ్రెయిన్ లో డెలివరీ బైక్‌లపై నిషేధం విధించాలన్న డిమాండ్లు క్రమంగా పెరుతున్నాయి. ఈ ఇష్యూకు సంబంధించిన అంశం మంగళవారం పార్లమెంటు ముందుకు చర్చకు రానుంది.  ట్రాఫిక్ వయోలేషన్స్ పెరగడంపై ఎంపీలు బాదర్ అల్ తమీమి, అబ్దుల్వాహిద్ ఖరాటా, అలీ అల్ దోసేరి, హమద్ అల్ డోయ్ మరియు అబ్దుల్లా అల్ రుమైహ ఆందోళన వ్యక్తం చేశారు.  ముఖ్యంగా వేగంగా వెళ్లే క్రమంలో డెలివరీ రైడర్‌లు తరచూ ట్రాఫిక్ వయోలేషన్స్ కు పాల్పడుతున్నారని వారు తెలిపారు. డెలివరీ రైడర్లకు అవగాహన కల్పించడం ద్వారా ఇలాంటి ఉల్లంఘనలను తగ్గంచవచ్చని వారు సూచిస్తున్నారు.

మరోవైపు,  డెలివరీ రైడర్ల ఉల్లంఘనలపై ప్రత్యేకంగా ఫోకస్ పెట్టినట్లు ట్రాఫిక్ డైరెక్టరేట్ తెలిపింది. ముమ్మరంగా తనిఖీలు నిర్వహిస్తున్నామని, ఉల్లంఘనలకు పాల్పడిన 1,005 డెలివరీ మోటార్‌బైక్‌లను స్వాధీనం చేసుకున్నట్లు తెలిపింది. కాగా, ట్రాఫిక్ ఉల్లంఘనలను గుర్తించడానికి త్వరలోనే 500 స్మార్ట్ కెమెరాలను ఏర్పాటు చేయనున్నట్లు డైరేక్టరేట్ తెలిపింది.