దోహా: ఖతార్ నేషనల్ కన్వెన్షన్ సెంటర్ (QNCC)లో తొమ్మిదవ ఎడిషన్ దోహా ఇంటర్నేషనల్ మారిటైమ్ డిఫెన్స్ ఎగ్జిబిషన్ అండ్ కాన్ఫరెన్స్ (DIMDEX 2026) ను అమీర్ హెచ్.హెచ్. షేక్ తమీమ్ బిన్ హమద్ అల్-థానీ ప్రారంభించారు.  ఖతార్ సాయుధ దళాలు, స్థానిక మరియు అంతర్జాతీయ స్థాయిలో వాటి మిషన్లను హైలైట్ చేసే డాక్యుమెంటరీని తిలకించారు. అనంతరం స్థానిక మరియు అంతర్జాతీయ కంపెనీలు ప్రదర్శించిన సముద్ర రక్షణ మరియు భద్రతా రంగంలో తాజా టెక్నాలజీని, ఆధునాతన పరికరాలను వీక్షించారు. ఈ ప్రదర్శనలలో నావికా నౌకానిర్మాణం, కమ్యూనికేషన్లు, రాడార్, మిస్సైల్స్, సముద్ర గనులు, సైబర్ భద్రత, పైరసీ నిరోధక కార్యకలాపాలు, ఏఐ  మరియు సైనిక రక్షణ రంగంలోని ఇతర ప్రత్యేక సేవలకు సంబంధించిన అధునాతన వ్యవస్థలను పరిశీలించారు. పలువురు మంత్రులు, సీనియర్ భద్రతా మరియు సైనిక అధికారులు ఈ ప్రారంభోత్సవంలో పాల్గొన్నారు.