మనామా: బహ్రెయిన్ లో శుక్రవారం సఖీర్‌లోని అల్-ఖరా ప్రాంతంలో రోడ్డు ప్రమాదం చోటుచేసుకుంది.  ట్రీ ఆఫ్ లైఫ్ సమీపంలో జరిగిన ఈ దుర్ఘటనలో ఎనిమిదేళ్ల చిన్నారితో సహా ముగ్గురు వ్యక్తులు మరణించారు.

విహారయాత్ర చేస్తున్నప్పుడు రెండు వాహనాలు ఢీకొనడంతో ఈ ప్రమాదం జరిగింది.  సమాచారం అందిన వెంటనే అధికారులు సంఘటనా స్థలానికి చేరుకుని అవసరమైన చర్యలు చేపట్టారు. ఈ ప్రమాదంలో 29 మరియు 31 ఏళ్ల ఇద్దరు పురుషులు, మరియు ఎనిమిదేళ్ల చిన్నారి ప్రాణాలు కోల్పోయినట్లు అంతర్గత వ్యవహారాల మంత్రిత్వ శాఖ వెల్లడించింది. పలువురు గాయపడ్డారని, వారు వివిధ ఆస్పత్రుల్లో చికిత్స పొందుతున్నారని తెలిపింది.