దోహా: ఖతార్ లో ఆరోగ్య చట్టాలు మరియు నిబంధనలను ఉల్లంఘించిన ఒక ప్రైవేట్ రంగ ఆరోగ్య సముదాయంలోని డెర్మటాలజీ మరియు లేజర్ విభాగాన్ని తాత్కాలికంగా మూసివేస్తున్నట్లు ప్రజారోగ్య మంత్రిత్వ శాఖ (MoPH) ప్రకటించింది. స్పెషలిస్ట్ డాక్టర్ లేకుండా డెర్మటాలజీ మరియు లేజర్ విభాగాన్ని నడపడం, రోగులకు లేజర్ సెషన్‌లు నిర్వహించడం వంటి ఉల్లంఘనలకు పాల్పడినట్లు తెలిపింది. అలాగే, దేశం వెలుపల ఉన్నప్పుడు స్పెషలిస్ట్ డాక్టర్ స్టాంప్‌ను అక్రమంగా ఉపయోగించడం వంటి ఆరోపణలు ఉన్నాయని పేర్కొన్నది. ఉల్లంఘనకు పాల్పడిన ఆరోగ్య సంరక్షణ నిపుణులపై అవసరమైన అన్ని చట్టపరమైన చర్యలు తీసుకుంటున్నట్లు మంత్రిత్వ శాఖ వెల్లడించింది. లైసెన్స్ పొందిన ఆరోగ్య సంరక్షణ నిపుణులు వద్దనే సేవలు పొందాలని మంత్రిత్వ శాఖ సూచించింది.