యూఏఈః రాంగ్ రూట్లో డ్రైవింగ్ చేయడం వల్ల కలిగే ప్రమాదాల గురించి దుబాయ్ పోలీసులు వాహనదారులను హెచ్చరించారు.  రాంగ్ రూట్లో వాహనం లేదా మోటార్‌సైకిల్‌ను నడపడం ప్రాణాలకు ముప్పు కలిగిస్తుందని జనరల్ డిపార్ట్‌మెంట్ ఆఫ్ ట్రాఫిక్ డైరెక్టర్ బ్రిగేడియర్ జుమా సలేం బిన్ సువైదాన్ పేర్కొన్నారు.  రోడ్డు ప్రమాదాలను నివారించడానికి మరియు ఇతరుల భద్రతను కాపాడుకోవడానికి సరైన లేన్‌ లో డ్రైవింగ్ చేయాలని సూచించారు. ట్రాఫిక్ నిబంధనలను  గౌరవించాలని ఆయన పిలుపునిచ్చారు.  
దుబాయ్‌లోని నైఫ్‌లోని అంతర్గత రహదారిపై తన స్కూటర్ కారును ఢీకొట్టడంతో అతనికి తీవ్ర గాయాలయ్యాయి. ఆ వ్యక్తిని వైద్య చికిత్స కోసం ఆసుపత్రికి తరలించారు. ట్రాఫిక్ అంబులెన్స్ బృందాలు వెంటనే సంఘటనా స్థలానికి చేరుకున్నాయని, గాయపడ్డ వ్యక్తిని ఆస్పత్రికి తరలించాయని బ్రిగేడియర్ జుమా బిన్ సువైదాన్ వివరించారు.