రియాద్: సౌదీ అరేబియాలోని రియాద్‌లో జరిగిన గల్ఫ్ కోఆపరేషన్ కౌన్సిల్ (GCC) కస్టమ్స్ యూనియన్ అథారిటీ 16వ సమావేశంలో ఖతార్ కస్టమ్స్ అథారిటీ పాల్గొన్నది.  ఈ సమావేశానికి కస్టమ్స్ జనరల్ అథారిటీ ఛైర్మన్ మరియు కస్టమ్స్ యూనియన్ అథారిటీ ఎగ్జిక్యూటివ్ కౌన్సిల్ అధ్యక్షుడు అహ్మద్ బిన్ అబ్దుల్లా అల్ జమాల్ అధ్యక్షత వహించారు.

GCC స్టేట్స్ యూనిఫైడ్ కస్టమ్స్ చట్టానికి సంబంధించిన తాజా అప్డేట్ లను సమీక్షించారు. సంబంధిత కమిటీలు మరియు సాంకేతిక వర్కింగ్ గ్రూపుల నివేదికలను పరిశీలించి పలు సూచనలు చేశారు. ఉమ్మడి GCC కస్టమ్స్ పని తీరుకు సంబంధించిన అనేక అంశాలపై సమావేశంలో చర్చించారు.

అలాగే, GCC స్టేట్స్ కస్టమ్స్ అథారిటీల మధ్య సహకారాన్ని బలోపేతం చేయడంలో మరియు జాయింట్ గా విధి విధానాలను అభివృద్ధి చేయడం, తద్వారా అంతర్గత-GCC వాణిజ్యాన్ని సులభతరం చేయడానికి యూనిఫైడ్ కస్టమ్స్ పనితీరును మెరుగుపరచడంలో కస్టమ్స్ యూనియన్ అథారిటీ కీలక పాత్ర పోషించాలని వక్తలు సూచించారు.