కువైట్: కువైట్ లో రాబోయే రెండు రోజుల పాటు అక్కడక్కడ వర్షాలు కురుస్తాయని, భారీగా పొగమంచు ఏర్పడే అవకాశం ఉందని వాతావరణ శాఖ  తాత్కాలిక డైరెక్టర్ ధరర్ అల్-అలీ తెలిపారు. ఉపరితల అల్పపీడనం కారణంగా ఆకాశం మేఘావృతమై ఉంటుందని, గాలులు గంటకు 8 నుండి 30 కి.మీ మధ్య వీస్తాయని తెలిపారు. గరిష్ట ఉష్ణోగ్రతలు 23 మరియు 25 డిగ్రీల సెల్సియస్ మధ్య, రాత్రి కనిష్ట ఉష్ణోగ్రతలు 11 మరియు 13 డిగ్రీల సెల్సియస్ మధ్య ఉండవచ్చని అన్నారు. క్రమంగా అల్పపీడన వ్యవస్థ క్రమంగా తగ్గుతుందని అంచనా వేశారు. దీని కారణంగా ఉష్ణోగ్రతలలో గణనీయమైన పెరుగుదల ఉంటుందని,  పగటిపూట 32 మరియు 34 డిగ్రీల సెల్సియస్ మధ్య ఉంటుందని పేర్కొన్నారు కనిష్ట ఉష్ణోగ్రతలు 15 మరియు 17 డిగ్రీల సెల్సియస్ మధ్య ఉంటాయని అన్నారు. ఆకాశం పాక్షికంగా మేఘావృతమై తేలికపాటి వర్షం కురిసే అవకాశం ఉంటుందని వాతావరణ శాఖ ప్రకటించింది.