మదీనా: 2025 సంవత్సరంలో  574,000 కంటే ఎక్కువ మున్సిపల్ లైసెన్స్‌లను జారీ చేసినట్టు సౌదీ అరేబియా మునిసిపాలిటీలు మరియు గృహనిర్మాణ మంత్రిత్వ శాఖ వెల్లడించింది. ఇందులో 202,000 కంటే ఎక్కువ వాణిజ్య లైసెన్స్‌లు, 66,000 ఆక్యుపెన్సీ సర్టిఫికెట్‌లు మరియు 78,000 భవన నిర్మాణ అనుమతులు ఉన్నాయని పేర్కొంది. మున్సిపల్ లైసెన్స్‌లలో 8,400 పునరుద్ధరణ అనుమతులు, 4,700 కూల్చివేత అనుమతులు మరియు 4,700 ల్యాండ్ ఫెన్సింగ్ అనుమతులు కూడా ఉన్నాయని మంత్రిత్వ శాఖ తెలిపింది. వీటితోపాటు భవనాల విస్తరణకు సంబంధించి సుమారు 7,000 అనుమతులతో పాటు సుమారు 199,000 రిపేర్ల అనుమతుల జారీ కూడా ఉన్నాయని మంత్రిత్వ శాఖ పేర్కొంది.