కువైట్ః  కువైట్ జనవరి 1, 2012న జన్మించిన వారితో ప్రారంభించి, 18 ఏళ్ల వయస్సు వచ్చిన తర్వాత అందరు పురుషులకు మిలిటరీ సర్వీసును తప్పనిసరి చేసింది. ఈ మేరకు జాతీయ మిలిటరీ సర్వీస్ 2015 చట్టానికి కొత్త సవరణలను ప్రవేశపెట్టింది.  సవరణలు రిజిస్ట్రేషన్ గడువును 60 రోజుల నుండి 180 రోజులకు పొడిగించారు. అయితే, ఒకడే కుమారుడు ఉన్న వారకి సర్వీస్ నుంచి మినహాయింపు ఇచ్చారు. కువైట్ ఆయిల్ కంపెనీ అగ్నిమాపక సిబ్బంది ఇప్పుడు సవరించిన చట్టం ప్రకారం కువైట్ అగ్నిమాపక దళానికి మంజూరు చేసిన మినహాయింపులను పొందుతారు. అలాగే, కువైట్ సాయుధ దళాలు, అంతర్గత వ్యవహారాల మంత్రిత్వ శాఖ, కువైట్ నేషనల్ గార్డ్ మరియు కువైట్ అగ్నిమాపక దళాలకు సైనికులను కేటాయించడానికి నేషనల్ మిలిటరీ సర్వీస్ అథారిటీకి అధికారాలు కల్పించారు.