యూఏఈ: యూఏఈలో దట్టమైన పొగమంచు కారణంగా పలు ఫ్లైట్స్ డిలే  లేదా క్యాన్సిల్ అవుతున్నాయి. దుబాయ్ అంతర్జాతీయ విమానాశ్రయం (DXB)లోని కొన్ని ఎమిరేట్స్ విమానాలు, ఫ్లై దుబాయ్ తోపాటు పలు సంస్థల ఫ్లైట్స్ ఆలస్యంగా రావడంతోపాటు బయలుదేరాయని ఆయా విమానయాన సంస్థలు ప్రకటించాయి.

షార్జా ఎయిర్ పోర్టులోనూ పొగమంచు కారణంగా పలు ఫ్లైట్స్ ఆలస్యంగా నడుస్తున్నాయని వెల్లడించాయి.  ప్రయాణికులకు జరుగుతున్న అసౌకర్యానికి క్షమాపణలు తెలిపాయి.   ఎయిర్ అరేబియాతోపాటు ఇండిగో మరియు ఎయిర్ ఇండియా ఎక్స్‌ప్రెస్ వంటి విమానయాన సంస్థలు కూడా తమ ఫ్లైట్స్ షెడ్యూల్ లో మార్పులు ప్రకటించాయని ఎయిర్ పోర్ట్ ప్రతినిధులు వెల్లడించారు.