రియాద్: కువైట్ సార్వభౌమత్వాన్ని ఉల్లంఘించే మారిటైమ్ కోఆర్డినేట్‌లను ఉపసంహరించుకోవాలని ఇరాక్‌కు గల్ఫ్ కోఆపరేషన్ కౌన్సిల్ (GCC) సెక్రటరీ జనరల్ జాసెం మొహమ్మద్ అల్బుదైవి  పిలుపునిచ్చారు. ఇరాక్ సముద్ర ప్రాంతాలకు సంబంధించిన వివాదస్పదమైన కోఆర్డినేట్‌ల జాబితా మరియు మారిటైమ్ మ్యాప్‌ను ఉపసంహరించుకోవాలని కోరారు.

పరస్పర విశ్వాసాన్ని పెంపొందించడానికి సంబంధిత చట్టపరమైన మరియు అంతర్జాతీయ సూత్రాలకు అనుగుణంగా కోఆర్డినేట్‌ల జాబితాను మరియు మారిటైమ్ మ్యాప్‌ను సమీక్షించుకోవాలని ఇరాక్ కు సూచించారు.

ఇరాక్ తో మంచి చారిత్రక సంబంధాలు ఉన్నాయని, ద్వైపాక్షిక సంబంధాలను బలోపేతం చేయడానికి ఇలాంటి వివాదస్పద వాదనలు దోహదపడవని పేర్కొన్నారు. ఈ విషయంలో అంతర్జాతీయ చట్టాల ప్రకారం ముందుకు వెళ్లాలని, ఈ విషయంలో ఇరాక్ తన వాదనలను సమీక్షించుకుంటుందన్న ఆశాభావం ఉందని జీసీసీ సెక్రటరీ జనరల్ తెలిపారు.