రియాద్:  సౌదీ ఆరోగ్య మంత్రిత్వ శాఖ "చెక్ యువర్ హెల్త్" ప్రచారాన్ని ప్రారంభించింది. ఇందులో భాగంగా పౌరులు మరియు నివాసితులకు కొన్ని నిమిషాల్లో పది ముఖ్యమైన పరీక్షలను చేస్తున్నారు.  ఆరోగ్య మంత్రి మరియు హెల్త్ హోల్డింగ్ కంపెనీ డైరెక్టర్ల బోర్డు ఛైర్మన్ ఫహద్ అల్-జలాజెల్ రియాద్‌లోని "చెక్ యువర్ హెల్త్" కేంద్రంలో ఈ కార్యక్రమాన్ని అధికారికంగా ప్రారంభించారు. అనంతరం అధిక సామర్థ్యాన్ని నిర్ధారించే డ్రైవ్-త్రూ పరీక్షలను ఆయన పరిశీలించారు.

ఈ ప్రచారంలో భాగంగా బీపీ, ఒబెసిటీ, కొలొరెక్టల్ మరియు రొమ్ము క్యాన్సర్‌ను ముందస్తుగా గుర్తించడం వంటి అనేక రకాల ముఖ్యమైన నివారణ పరీక్షలను నిర్వహిస్తున్నారు. వీటితో పాటు ప్రాథమిక ప్యాకేజీలోని ఇతర పరీక్షలు కూడా అన్ని ప్రాథమిక ఆరోగ్య కేంద్రాలలో అందుబాటులో ఉన్నాయని మంత్రిత్వశాఖ వెల్లడించింది.