మనామా: బహ్రెయిన్ జాతీయ విమానయాన సంస్థ అయిన గల్ఫ్ ఎయిర్.. ఫిబ్రవరి 26న ఉదయం 8:30 గంటలకు తన అతిపెద్ద ప్రమోషన్ "టేకాఫ్ సేల్"ను ప్రారంభించనుంది. ఈ సేల్ సందర్భంగా ప్రత్యేక ధరలకు 150,000 టిక్కెట్లను అందిస్తుంది.

ఈ పరిమిత కాల ఆఫర్ మార్చి 4 వరకు కొనసాగుతుంది.  మార్చి 1 మరియు నవంబర్ 30 మధ్య ప్రయాణానికి ఈ ఆఫర్ వర్తిస్తుంది. ప్రయాణికులు ప్రసిద్ధ ప్రాంతీయ మరియు అంతర్జాతీయ గమ్యస్థానాలను టిక్కెట్లను బుక్ చేసుకోవచ్చు.

ముఖ్యంగా బహ్రెయిన్ నుండి అబుదాబి వరకు BD 15 నుండి, బహ్రెయిన్ నుండి కైరో వరకు BD 44 నుండి, బహ్రెయిన్ నుండి ఇస్తాంబుల్ వరకు BD 41 నుండి, బహ్రెయిన్ నుండి బ్యాంకాక్ వరకు BD 66 నుండి, బహ్రెయిన్ నుండి లండన్ గాట్విక్ వరకు BD 35 నుండి టిక్కెట్ల ధరలు ప్రారంభం అవుతున్నాయి.

బుకింగ్‌లు gulfair.com లో మరియు బహ్రెయిన్‌లోని అధీకృత ట్రావెల్ ఏజెంట్ల ద్వారా అందుబాటులో ఉన్నాయని, ఉత్తమ ధరలను పొందడానికి కస్టమర్‌లు ముందుగానే బుక్ చేసుకోవాలని గల్ఫ్ ఎయిర్ తన ప్రకటనలో వెల్లడించింది.