మనామాః కర్బాబాద్‌లోని ఒక ఇంట్లో అగ్నిప్రమాదం చోటుచేసుకుంది. ఈ ప్రమాదంలో చెలరేగిన మంటలను బహ్రెయిన్ పౌర రక్షణ విభాగానికి చెందిన అగ్నిమాపక సిబ్బంది విజయవంతంగా అదుపులోకి తెచ్చారు.ఈ ఘటనలో ముగ్గురు వ్యక్తులు గాయపడ్డారని అధికారులు తెలిపారు.గాయపడిన వారిని చికిత్స కోసం ఆసుపత్రికి తరలించినట్లు వెల్లడించారు. విద్యుత్ షార్ట్ సర్క్యూట్ కారణంగానే ఈ అగ్నిప్రమాదం జరిగినట్లు ప్రాథమికంగా అంచనా వేసినట్లు అధికారులు తెలిపారు. విచారణ జరుగుతుందని త్వరలోనే పూర్తి వివరాలు వెల్లడిస్తామని పేర్కొన్నారు.