కువైట్ః కువైట్ లో అనుమతులు లేకుండా ఏరియల్ ఫోటోగ్రఫీ డ్రోన్‌లను వినియోగించిన ఆరుగురిని అరెస్టు చేసినట్లు అంతర్గత వ్యవహారాల మంత్రిత్వ శాఖ ప్రకటించింది. ఈ మేరకు మంత్రిత్వ శాఖ అధికారిక ప్రతినిధి బ్రిగేడియర్ జనరల్ నాసర్ బౌస్లైబ్ వెల్లడించారు.ప్రస్తుతం డ్రోన్‌ల అనధికారిక వినియోగానికి సంబంధించి కఠినమైన హెచ్చరికలు ఉన్నాయని గుర్తుచేశారు.

ప్రస్తుత సంఘటనలకు సంబంధించిన ఫోటోలు తీయడం లేదా వీడియోలను తీయడం, షేర్ చేయడం వంటివి చేయరాదని, భద్రతా సూచనలను పౌరులు, నివాసితులు ఖచ్చితంగా పాటించాలని మంత్రిత్వ శాఖ కోరింది. జాతీయ ప్రయత్నాలకు మద్దతు ఇవ్వాని, భద్రత కోసం అందరి సహకారం అత్యంత కీలకమని బ్రిగేడియర్ జనరల్ తెలిపారు.