రియాద్ః సౌదీ అరేబియా జాతీయ వాతావరణ కేంద్రం (NCM) వాతావరణ హెచ్చరికలను జారీ చేసింది. పలు ప్రాంతాలలో తేలికపాటి నుండి భారీ వర్షపాతం నమోదు అవుతుందని తెలిపింది. ఈ సమయంలో బలమైన గాలులు, విజిబిలిటీ తగ్గుతుందని, ఆకస్మిక వరదలు సంభవించే అవకాశం ఉందని హెచ్చరించింది. ఈ నేపథ్యంలో పలు ప్రాంతాలకు రెడ్, ఆరెంజ్ అలెర్టులను జారీ చేసింది.  

రియాద్ ప్రాంతంలోని అల్-అఫ్లాజ్, అల్-ఖర్జ్, అల్-దలామ్, అల్-హారిక్, అల్-ముజాహిమియా మరియు హవ్తత్ బని తమీమ్ వంటి ప్రాంతాలతో పాటు, అల్-సులయిల్ మరియు వాడి అల్-దవాసిర్ ప్రాంతాల్లో భారీ వర్షపాతం కురిసే అవకాశం ఉందని రెడ్ అలెర్ట్ జారీ చేసింది. ఈ జాబితాలో తూర్పు ప్రావిన్స్, అసిర్, నజ్రాన్ ప్రాంతాలు కూడా ఉన్నాయి.
అలాగే  దిరియా, రాజధాని రియాద్, రుమా మరియు దుర్మాతో సహా రియాద్‌, అల్-సులయ్యిల్ మరియు వాడి అల్-దవాసిర్‌, అల్-ఖఫ్జీ, అల్-నైరియా మరియు ఖర్యాత్ అల్-ఉల్యా, రఫా, ఉత్తర సరిహద్దుల ప్రాంతాలకు ఆరెంజ్ అలెర్టును జారీ చేశారు.  ఈ ప్రాంతాలలో తేలికపాటి నుండి మోస్తరు వర్షాలతోపాటు వరదలు సంభవించే అవకాశం ఉందని జాతీయ వాతావరణ మండలి (NCM) సూచించింది.