కువైట్ః కువైట్ లో విమానయాన సంస్థలు మరియు ప్రయాణ, పర్యాటక ఏజెన్సీలకు సంబంధించిన ఫిర్యాదులను ఇప్పుడు సాహ్ల్ అప్లికేషన్ ద్వారా ఆన్‌లైన్‌లో సమర్పించవచ్చని జనరల్ అథారిటీ ఆఫ్ సివిల్ ఏవియేషన్ (GACA) ప్రకటించింది.  ఈ మేరకు విడుదల చేసిన ప్రకటనలో ఫిర్యాదు చేసేందుకు అనుసరించాల్సిన దశలను వివరించింది.
అవసరమైన అన్ని పత్రాలతో పాటు ఫిర్యాదులను తప్పనిసరిగా ఎలక్ట్రానిక్‌గా దాఖలు చేయాలని అథారిటీ తెలిపింది. మెరుగైన సేవా నాణ్యత, వేగవంతమైన  చర్యలు మరియు సంబంధిత అధికారుల సమీక్షను నిర్ధారించడానికి ఈ డిజిటల్ ప్రక్రియను రూపొందించినట్లు వెల్లడించింది. పౌర విమానయాన రంగాన్ని మెరుగుపరచడానికి సూచనలు, అలాగే స్పందనలు లేదా అదనపు ఫిర్యాదులను కూడా ఈ ప్లాట్‌ఫామ్ ద్వారా సమర్పించవచ్చని అథారిటీ ప్రతినిధి అబ్దుల్లా అల్-రాజీ తెలిపారు.