రియాద్ః 2026 ఐఎమ్‌డి స్మార్ట్ సిటీ ఇండెక్స్‌లో ఎనిమిది సౌదీ నగరాలు మెరుగైన పనితీరును నమోదు చేశాయి. రియాద్ ప్రపంచవ్యాప్తంగా 27వ స్థానం నుండి 24వ స్థానానికి ఎగబాకగా, మక్కా 50వ స్థానంలో, జెడ్డా 55వ స్థానంలో, మదీనా 67వ స్థానంలో, అల్‌ఖోబార్ 64వ స్థానంలో నిలిచాయి.

అల్-ఉలా 112వ స్థానం నుండి 85వ స్థానానికి ఎగబాకి, మెరుగైన పురోగతిని నమోదు చేసింది.
ప్రపంచవ్యాప్తంగా ఉన్న 148 నగరాలలో హైల్ మరియు హఫర్ అల్-బాటిన్ నగరాలు మొదటిసారిగా ఈ సూచికలో చేరాయి. వరుసగా 33వ మరియు 100వ స్థానాలను పొందాయి.
సేవలు, డిజిటల్ మౌలిక సదుపాయాలు మరియు వాటి ప్రభావంపై నివాసితుల అభిప్రాయాల ఆధారంగా.. నగరాలు ఆధునిక సాంకేతికతలను ఎలా స్వీకరిస్తున్నాయో ఈ ప్రపంచ సూచిక కొలుస్తుంది.

'కృత్రిమ మేధస్సు సంవత్సరం 2026'ను జరుపుకుంటున్న తరుణంలో పట్టణ సేవలను మెరుగుపరచడానికి మరియు జీవన నాణ్యతను పెంచి, ప్రపంచ పోటీతత్వాన్ని బలోపేతం చేసే స్మార్ట్, సుస్థిర నగరాలను నిర్మించడానికి సౌదీ అరేబియా చేస్తున్న నిరంతర ప్రయత్నాలను ఈ ఫలితాలు బలాన్ని చేకూర్చాయని అధికారులు హర్షం వ్యక్తం చేశారు.