ఖతార్ లో భారీ వర్షాలు..సేఫ్టీ గైడ్ లైన్స్ జారీ..!!

దోహా:భారీ వర్షాల నేపథ్యంలో ప్రమాదాలను నివారించడానికి మరియు రహదారి భద్రతను దృష్టిలో పెట్టుకొని సేఫ్టీ గైడ్ లైన్స్ జారీ చశారు.  వాహనాలు నడిపేటప్పుడు అవసరమైన సేఫ్టీ గైడ్ లైన్స్ ను పాటించాలని అంతర్గత వ్యవహారాల మంత్రిత్వ శాఖ (MOI) వాహనదారులను కోరింది.  ఈ మేరకు సోషల్ మీడియాలో వెల్లడించింది.

ఇతర వాహనాలతో ఢీకొనే ప్రమాదాన్ని తగ్గించడానికి డ్రైవర్లు వేగాన్ని తగ్గించాలని, ఓవర్‌టేక్ చేయడం మానుకోవాలని మరియు వాహనాల మధ్య సురక్షిత దూరాన్ని పాటించాలని సూచించారు . విండ్‌షీల్డ్ వైపర్‌లను ఉపయోగించాలని, వాహనంపై నియంత్రణను కొనసాగించడానికి బ్రేకులను క్రమంగా వేయాలని మంత్రిత్వ శాఖ సూచించింది.  ముఖ్యంగా గుంటల గుండా వాహనం నడపడానికి ప్రయత్నించవద్దని వాహనదారులను హెచ్చరించారు.