ఇరాన్-అమెరికా మధ్య కాల్పుల విరమణ ఒప్పందం కుదిరిన తర్వాత పరిస్థితులు మళ్లీ ఉద్రిక్తంగా మారుతున్నాయి. లెబనాన్‌పై ఇజ్రాయెల్ దాడులు కొనసాగడంతో ఇరాన్ తీవ్ర ఆగ్రహం వ్యక్తం చేసింది. హార్ముజ్ జలసంధిని మూసివేస్తున్నట్లు ప్రకటించడంతో అంతర్జాతీయంగా ఆందోళనలు పెరిగాయి. ఈ నేపథ్యంలో సీజ్‌ఫైర్ కోసం ఇరాన్ 10 డిమాండ్లు చేయగా, అమెరికా 14 ప్రతిపాదనలు చేసింది.

సీజ్‌ఫైర్ ఒప్పందంలో భాగంగా ఇరాన్ కొన్ని కీలక షరతులు పెట్టింది. ఇరువైపులా దాడులు జరగకుండా హామీ ఇవ్వాలని, హార్ముజ్ జలసంధిపై తమ ఆధిపత్యాన్ని గుర్తించాలని డిమాండ్ చేసింది. అలాగే అమెరికా పశ్చిమాసియాలోని సైనిక స్థావరాలను తగ్గించాలని కోరింది.

ఇరాన్‌ పై విధించిన అన్ని ఆంక్షలను తొలగించడం, విదేశాల్లో నిలిపివేసిన ఆస్తులను విడుదల చేయడం, యుద్ధ నష్టాలకు పరిహారం చెల్లించడం వంటి అంశాలను కూడా ఇరాన్ ప్రస్తావించింది. ఈ షరతులు అంతర్జాతీయ చట్టాల కింద అమలు కావాలని ఐక్యరాజ్యసమితి తీర్మానం చేయాలని కోరింది.