దోహా: తాజా హెన్లీ పాస్‌పోర్ట్ ఇండెక్స్‌లో ఖతార్ పాస్‌పోర్ట్ 45వ స్థానానికి ఎగబాకింది. తాజా అధికారిక ర్యాంకింగ్ ప్రకారం, ఖతార్ పాస్‌పోర్ట్ హోల్డర్లు ఇప్పుడు 111 గమ్యస్థానాలకు వీసా లేకుండా లేదా వీసా-ఆన్-అరైవల్‌తో ప్రవేశించవచ్చు.  జనవరి 2026 అప్‌డేట్‌లో 47వ స్థానంలో ఉన్న ఖతార్.. ఇప్పుడు రెండు స్థానాలు ఎగబాకింది. 2020 నుండి ఖతార్ 20కి పైగా స్థానాలు మెరుగుపరుచుకుంది.   

హెన్లీ పాస్‌పోర్ట్ ఇండెక్స్..  ఇంటర్నేషనల్ ఎయిర్ ట్రాన్స్‌పోర్ట్ అసోసియేషన్ (IATA) నుండి ప్రత్యేకమైన డేటా ఆధారంగా 199 దేశాల పాస్‌పోర్ట్‌లకు ర్యాంకింగ్స్ కేటాయిస్తుంది. ఇది ముందస్తు వీసా లేకుండా ప్రవేశించగల దేశాలను పరిగణనలోకీ తీసుకుంటుంది.

టాప్ ర్యాంకింగ్స్ లో ఆసియా మరియు యూరోపియన్ దేశాలు ఉన్నాయి. సింగపూర్ 192 గమ్యస్థానాలకు వీసా లేకుండా/ఆన్ అరైవల్ వీసా ప్రవేశంతో అగ్రస్థానంలో ఉంది.    

ప్రాంతీయంగా, గల్ఫ్ సహకార మండలి (GCC) దేశాలలో యునైటెడ్ అరబ్ ఎమిరేట్స్ (UAE) తర్వాత రెండవ అత్యంత బలమైన పాస్‌పోర్ట్‌గా ఖతార్ తన ఆధిక్యాన్ని కొనసాగిస్తోంది. కువైట్, సౌదీ అరేబియా మరియు బహ్రెయిన్ వెనుకబడి ఉన్నాయి.