కువైట్: కువైట్ అధికారిక గెజిట్ 'అల్-కువైట్ అల్-యౌమ్'లో  కువైట్ పౌరసత్వ చట్టానికి సంబంధించిన 1959 నాటి అమీరీ డిక్రీ నం. (15)లోని కొన్ని నిబంధనలను సవరించే 2026 నాటి డిక్రీ-చట్టం నం. (52)ను ప్రచురించారు.  ఐదు ప్రకరణాలను (articles) మరియు వాటి వివరణాత్మక మెమోలను కలిగి ఉన్న ఈ డిక్రీ.. కువైట్ పౌరసత్వాన్ని నియంత్రించే చట్టాలను సవరించడానికి ఉద్దేశించింది. జాతీయ సమగ్రతను కాపాడటం, మానవీయ, సామాజిక అంశాల మధ్య సమతుల్యతను పాటించడం, అలాగే పౌరసత్వాన్ని మంజూరు చేయడం, కోల్పోవడం, ఉపసంహరించుకోవడం మరియు రద్దు చేయడానికి సంబంధించిన తన సార్వభౌమ అధికారాలను రాజ్యం వినియోగించుకునేలా చూడటం, ఇదంతా చట్టపరమైన నియంత్రణల పరిధిలోనే జరిగేలా చూడటం ఈ సవరణల ముఖ్య ఉద్దేశం అని పేర్కొన్నారు.

ప్రస్తుత చట్టంలోని అనేక కీలక ప్రకరణాలను(amendments)మార్పు చేయడం, ప్రస్తుత నిబంధనలకు విరుద్ధంగా ఉన్న కొన్ని పదబంధాలను సవరించడం, అనవసరమని లేదా నూతన శాసనపరమైన దృక్పథానికి విరుద్ధమని భావించిన కొన్ని నిబంధనలను రద్దు చేయడం వంటి అంశాలను ఈ డిక్రీలో చేర్చారు.

1959 నాటి అమీరీ డిక్రీ నం. (15)లోని ప్రకరణం (2)లో ఉన్న నిబంధనను సవరించారు.  దీని ప్రకారం, 1920కి పూర్వం కువైట్‌లో నివసించి, 14/12/1959 తేదీ వరకు అక్కడే కొనసాగిన వ్యవస్థాపకులే (founders) కువైటీలుగా పరిగణించబడతారు. ఈ ఆర్టికల్, పుట్టుకతో కువైట్ తండ్రికి జన్మించిన వారిని పుట్టుకతో కువైట్ పౌరులుగా పరిగణిస్తుంది. ఇందులో, జన్మస్థలం కువైట్ లోపల లేదా వెలుపల ఉన్నప్పటికీ, ఆ తర్వాత జన్మించిన వారందరూ ఉంటారు.

సవరించిన ఆర్టికల్ (7) ప్రకారం.. ఏ పరిస్థితులలోనైనా ఒక విదేశీయుడు కువైట్ పౌరసత్వం పొందిన వెంటనే అతని/ఆమె జీవిత భాగస్వామి కూడా కువైట్ పౌరులు అవుతారని పేర్కొనలేదు. ఈ ఆర్టికల్ అతని మైనర్ పిల్లలను కువైట్ పౌరులుగా పరిగణించింది. వారు యుక్తవయస్సుకు వచ్చిన సంవత్సరంలోపు తమ జాతీయతను ఎంచుకోవడానికి అనుమతించింది.

ఇక సహజీకరణ (naturalization) పొందిన వ్యక్తి కువైట్ జాతీయతను పొందిన తర్వాత అతనికి జన్మించిన పిల్లల విషయానికొస్తే, ఈ ఆర్టికల్ ప్రకారం వారు సహజీకరణ (naturalization) ద్వారా కువైట్ పౌరులుగా పరిగణించబడతారు.  అయితే మునుపటి చట్టం వారిని పుట్టుకతో కువైట్ పౌరులుగా పరిగణించింది.

ఆర్టికల్ (7A) బిస్ ప్రకారం, ఒక కువైటీ తల్లికి జన్మించిన మైనర్, కువైట్‌లో నివసిస్తూ ఉండి, అతని/ఆమె విదేశీ తండ్రి జైలులో ఉన్నా, లేదా తన తల్లికి విడాకులు ఇచ్చినా, లేదా మరణించినా, ఆ మైనర్‌కు యుక్తవయస్సు వచ్చే వరకు కువైటీగా పరిగణించే నిర్ణయం తీసుకునే అధికారం అంతర్గత వ్యవహారాల మంత్రికి కల్పించారు.

ఈ ఆర్టికల్, కువైట్‌లో తెలియని తల్లిదండ్రులకు జన్మించిన వారితో పాటు, కువైట్‌లో లేదా విదేశాలలో కువైటీ తల్లికి జన్మించి, తండ్రి ఎవరో తెలియకపోయినా లేదా వారి పితృత్వం చట్టబద్ధంగా నిర్ధారించబడకపోయినా, అటువంటి వారిని కూడా యుక్తవయస్సు వచ్చే వరకు కువైటీగా పరిగణించే అధికారాన్ని మంత్రికి కల్పించారు.

మార్చబడిన ఆర్టికల్ (10) ప్రకారం.. ఒక కువైటీ మహిళ తన భర్త పౌరసత్వాన్ని పొందితే తప్ప, ఒక విదేశీయుడిని వివాహం చేసుకున్నంత మాత్రాన ఆమె తన కువైటీ పౌరసత్వాన్ని కోల్పోదు. ఒక కువైటీ పురుషుడిని వివాహం చేసుకోవడం ఆధారంగా పౌరసత్వం పొందిన కువైటీ మహిళకు సంబంధించి, ఆమెకు పిల్లలు లేనట్లయితే, ఆమె కువైటీ భర్త మరణించిన తర్వాత లేదా ఏ కారణం చేతనైనా వైవాహిక సంబంధం ముగిసిన తర్వాత ఆమె కువైటీ పౌరసత్వం రద్దు చేయబడుతుంది. అయినప్పటికీ, తన కువైట్ భర్తతో పిల్లలను కన్న ఒక మహిళ, కువైట్ పౌరుడు కాని వ్యక్తిని పునర్వివాహం చేసుకోనంత వరకు తన కువైట్ పౌరసత్వాన్ని కోల్పోదు. ఆమె తన అసలు జాతీయతను తిరిగి పొందినా, మరో జాతీయతను సంపాదించినా, లేదా మరో దేశపు పాస్‌పోర్ట్‌ను కలిగి ఉన్నా కూడా ఆమె పౌరసత్వం రద్దు చేయబడుతుంది.

ఈ డిక్రీ-చట్టంలోని ఆర్టికల్ (1) ఆధారంగా గానీ లేదా సహజీకరణ ద్వారా గానీ, ఒక కువైట్ పౌరుడు స్వచ్ఛందంగా విదేశీ జాతీయతను పొందితే, అతను తన కువైట్ పౌరసత్వాన్ని కోల్పోతాడని, సవరించిన ఆర్టికల్ (11) నిర్దేశించింది. ఆమె సహజీకరణ ద్వారా కువైటీ అయినట్లయితే, ఆమె తన భర్త పౌరసత్వం పొందిన విషయం తెలుసుకున్న ఒక సంవత్సరంలోపు తన కువైట్ పౌరసత్వాన్ని నిలుపుకోవాలనే తన విన్నపాన్ని అంతర్గత వ్యవహారాల మంత్రికి తెలియజేయాలి. లేదంటే ఆమె తన పౌరసత్వాన్ని కోల్పోతుంది.

ఈ ముసాయిదా డిక్రీ-చట్టంలోని ఆర్టికల్ (1) ప్రకారం కువైటీ మైనర్ అయిన పక్షంలో ఆ జాతీయత చట్టం ప్రకారం వారి తండ్రి కొత్త జాతీయతలో చేర్చబడితే, మైనర్ పిల్లలు కూడా తమ కువైట్ జాతీయతను కోల్పోతారు. వారు పరిణితి వయస్సుకు చేరుకున్న కేవలం ఒక సంవత్సరం తర్వాత తమ కువైట్ పౌరసత్వాన్ని నిలుపుకోవాలనుకుంటే అంతర్గత వ్యవహారాల మంత్రిని సంప్రదించాలి.

అంతర్గత వ్యవహారాల మంత్రి ప్రతిపాదన ఆధారంగా మరియు కువైట్ పౌరసత్వ విచారణల ఉన్నత కమిటీ ఆమోదంతో, ఈ ముసాయిదా డిక్రీ-చట్టంలోని ఆర్టికల్ (1) కింద కువైట్ పౌరసత్వాన్ని కోల్పోయిన ఏ కువైటీకైనా పౌరసత్వాన్ని పునరుద్ధరించడానికి ఒక డిక్రీని జారీ చేయడానికి అనుమతిస్తుంది. అయితే వారు కనీసం ఒక సంవత్సరం పాటు కువైట్‌లో చట్టబద్ధంగా నివసించి, తమ కువైట్ పౌరసత్వాన్ని తిరిగి పొందడానికి అభ్యర్థించాల్సి ఉంటుంది.