ప్రముఖ టెలికాం సంస్థ భారతీ ఎయిర్‌టెల్‌ కొత్తగా 'అన్‌లిమిటెడ్‌' వాయిస్‌ కాలింగ్‌ ఆఫర్‌ ప్రకటించింది. రూ.1,199కి నెలలో అన్‌లిమిటెడ్‌ మొబైల్‌ కాల్స్‌ చేసుకునే సదుపాయం కల్పిస్తోంది. త్వరలో రిలయన్స్‌ జియో సేవలు ప్రారంభంకానున్న నేపథ్యంలో ఎయిర్‌టెల్‌ రూ.1,199తో కొత్త పోస్ట్‌పెయిడ్‌ ప్లాన్‌ను ప్రకటించింది. లోకల్‌, ఎస్టీడీ, నేషనల్‌ రోమింగ్‌ కాల్స్‌తో పాటు, ఎస్సెమ్మెస్‌/డేటా కూడా ఈ ప్లాన్‌లో ఉంటుంది. రిలయన్స్‌ జియో 4జీ వైర్‌లెస్‌ సర్వీసుల కోసం ఆసక్తి ఉన్న వారికోసం రిజిస్ట్రేషన్లు ప్రారంభించింది. త్వరలో సేవలు అందుబాటులోకి వస్తున్న నేపథ్యంలో పోటీని తట్టుకోవడానికి ఎయిర్‌టెల్‌ కొత్త ప్లాన్‌ ప్రవేశపెట్టింది