జెడ్డా: సౌదీ అరేబియాలోని పలు ప్రాంతాల్లో భారీ వర్షాలు, ఆకస్మిక వరదలు సంభవించవచ్చని జాతీయ వాతావరణ కేంద్రం (ఎన్‌సీఎం) హెచ్చరించింది. రియాద్ ప్రాంతంలోని దక్షిణ, పశ్చిమ భాగాలతో పాటు మక్కా, అసిర్, అల్-బహా ప్రాంతాల తూర్పు భాగాలలో ఈ వర్షపు వాతావరణం ఉంటుంది. ఇది లోయలు, కొండవాగులలో ఆకస్మిక వరదలకు దారితీయవచ్చని ఎన్‌సీఎం పేర్కొంది. దీనితో పాటు వడగళ్ళు, అధిక వేగంతో బలమైన గాలుల వీస్తాయని ఎన్‌సిఎం ప్రతినిధి హుస్సేన్ అల్-ఖహ్తానీ తెలిపారు. ముఖ్యంగా ఆకస్మిక వరదలు వచ్చే అవకాశం ఉన్న ప్రాంతాలలో సంబంధిత అధికారులు జారీ చేసిన సూచనలు, మార్గదర్శకాలను పాటించాలని సూచించారు. లోయలకు మరియు వరద మార్గాలకు దూరంగా ఉండాలని అల్-ఖహ్తానీ కోరారు.