మస్కట్: ఆమోదిత భద్రతా ప్రమాణాలకు అనుగుణంగా లేని కొన్ని పిల్లల టాయ్స్ వాడకం, ముఖ్యంగా పిల్లల ఆరోగ్యానికి ప్రమాదం కలిగించవచ్చని వినియోగదారుల పరిరక్షణ సంస్థ (సీపీఏ) హెచ్చరించింది.

 “ఊడూ” బ్రాండెడ్ కలర్డ్ సాండ్, మోడల్ (B-318-19149) టాయ్స్ ప్రయోగశాల పరీక్షలలో స్వల్ప పరిమాణంలో ఆస్బెస్టాస్ ఉండవచ్చని వెల్లడైంది. ఆస్బెస్టాస్ అనేది మానవ ఆరోగ్యానికి హానికరమైనదిగా పరిగణించబడుతుందని అథారిటీ పేర్కొంది.

అసురక్షిత ఉత్పత్తుల నుండి వినియోగదారులను రక్షించడానికి మరియు మార్కెట్లో భద్రతా ప్రమాణాలను బలోపేతం చేయడానికి తాము చేస్తున్న నిరంతర ప్రయత్నాలలో భాగంగానే ఈ హెచ్చరిక జారీ చేసినట్లు అథారిటీ పేర్కొంది.

ఉత్పత్తులు ఆమోదిత నిబంధనలు మరియు భద్రతా అవసరాలకు అనుగుణంగా ఉన్నాయని నిర్ధారించుకోవడానికి, తనిఖీ బృందాలు స్థానిక మార్కెట్లు మరియు ఇ-కామర్స్ ప్లాట్‌ఫారమ్‌లపై నిశితంగా పర్యవేక్షణ కొనసాగిస్తున్నాయని తెలిపింది.

పిల్లల బొమ్మలను కొనుగోలు చేసేటప్పుడు వినియోగదారులు జాగ్రత్తగా ఉండాలని, ఆయా ఉత్పత్తులు భద్రత మరియు నాణ్యతా ప్రమాణాలకు అనుగుణంగా ఉన్నాయో లేదో ధృవీకరించుకోవాలని, పిల్లల ఆరోగ్యానికి హాని కలిగించే వస్తువులను ఉపయోగించకుండా ఉండాలని అథారిటీ సూచించింది.