కువైట్: అల్-వాఫ్రా ప్రాంతంలో వ్యవసాయ వ్యర్థాలు, చెట్లకు అంటుకున్న మంటలను విజయవంతంగా అదుపులోకి తెచ్చినట్లు జనరల్ ఫైర్ ఫోర్స్ ప్రకటించింది. సమాచారం అందిన వెంటనే నువైసీబ్ ఫైర్ సెంటర్ నుండి అగ్నిమాపక బృందాలు సంఘటనా స్థలానికి చేరుకున్నాయని ఆ శాఖ ఒక ప్రకటనలో తెలిపింది.

ఫైర్ ఫైటర్స్ మంటలను సమర్థవంతంగా అదుపులోకి తెచ్చారని పేర్కొన్నారు. ఎటువంటి ప్రాణనష్టం జరగకుండా మంటలు అదుపులోకి వచ్చాయని అధికారులు ధృవీకరించారు. ఇటువంటి సంఘటనలను ఎదుర్కోవడంలో ఫైర్ బ్రిగేడ్ వేగవంతమైన స్పందన, సంసిద్ధతను ఇది తెలియజేస్తుందని ప్రకటించింది.