రియాద్:  గత వారంలో కస్టమ్స్ పోర్టులలో 1,077 స్మగ్లింగ్ కేసులను నమోదు చేసినట్లు జకాత్, పన్ను మరియు కస్టమ్స్ అథారిటీ (ZATCA) ప్రకటించింది. స్వాధీనం చేసుకున్న వస్తువులలో 37 రకాల మాదకద్రవ్యాలు, 475 రకాల నిషేధిత పదార్థాలు, 2,103 రకాల పొగాకు సంబంధిత పధార్థాలు, నగదుకు సంబంధించిన 21 కేసులు, ఆయుధాలు, సంబంధిత పరికరాలకు సంబంధించిన 3 కేసులు ఉన్నాయి.

దిగుమతులు మరియు ఎగుమతులపై కస్టమ్స్ నియంత్రణను బలోపేతం చేయడానికి తాము కట్టుబడి ఉన్నామని ZATCA పునరుద్ఘాటించింది. సంబంధిత ఏజెన్సీలలోని తన భాగస్వాములందరి సమన్వయంతో భద్రతను పెంపొందించడానికి, అక్రమ రవాణా నుండి సమాజాన్ని రక్షించడానికి ZATCA చేస్తున్న నిరంతర ప్రయత్నాలలో ఇది ఒక భాగమని అథారిటీ ప్రకటించింది.

సమాజాన్ని మరియు జాతీయ ఆర్థిక వ్యవస్థను రక్షించడానికి, అక్రమ రవాణాను ఎదుర్కోవడంలో తమ వంతు సహకారం అందించాలని అథారిటీ ప్రజలకు పిలుపునిచ్చింది. 1910 నంబర్‌కు గానీ, ఇమెయిల్ ద్వారా గానీ, లేదా 009661910 అనే అంతర్జాతీయ నంబర్‌కు కాల్ చేసి తమను సంప్రదించాలని సూచించింది.

అస్వస్థత నేరాలు మరియు ఏకీకృత కస్టమ్స్ చట్టంలోని నిబంధనల ఉల్లంఘనలకు సంబంధించిన నివేదికలను పూర్తి గోప్యతతో పరిశీలిస్తామని, నివేదించిన సమాచారం సరైనదైతే, సమాచారం అందించిన వారికి ఆర్థిక బహుమతి కూడా ఇస్తామని ఆ సంస్థ తెలిపింది.