బెంగళూరులో శ్రీశ్రీ రవిశంకర్ 70వ జన్మదిన వేడుకల్లో పాల్గొన్న సీఎం చంద్రబాబు

బెంగళూరు: ఆర్ట్ ఆఫ్ లివింగ్ వ్యవస్థాపకులు పూజనీయ గురుదేవ్ శ్రీశ్రీ రవిశంకర్ జీ 70వ జన్మదిన వేడుకలు, అలాగే ఆర్ట్ ఆఫ్ లివింగ్ సంస్థ 45వ వార్షికోత్సవ వేడుకలు బెంగళూరులో ఘనంగా నిర్వహించబడ్డాయి. ఈ కార్యక్రమంలో సీఎం చంద్రబాబు పాల్గొని గురుదేవ్‌కు శుభాకాంక్షలు తెలిపారు.

ఈ సందర్భంగా సీఎం చంద్రబాబు మాట్లాడుతూ, వేగంగా మారుతున్న ఆధునిక ప్రపంచంలో ఆధ్యాత్మికత, అంతరంగ శాంతి, మానవీయ విలువలు మరింత అవసరమని పేర్కొన్నారు. ప్రపంచవ్యాప్తంగా కోట్లాది మందికి కరుణ, సామరస్యం, సేవ అనే సందేశాలను గురుదేవ్ శ్రీశ్రీ రవిశంకర్ అందిస్తూ ప్రేరణగా నిలుస్తున్నారని కొనియాడారు.

మానవ సేవ అనే మహత్తర లక్ష్యంతో ఆర్ట్ ఆఫ్ లివింగ్ సంస్థ చేపడుతున్న కార్యక్రమాలు ప్రశంసనీయమని పేర్కొంటూ, గురుదేవ్‌కు మరియు సంస్థకు భవిష్యత్తులో మరింత విజయాలు సాధించాలని ఆకాంక్షించారు.

ఈ వేడుకల్లో దేశ విదేశాల నుంచి వచ్చిన అనేక మంది భక్తులు, ఆధ్యాత్మికవేత్తలు, ప్రముఖులు పాల్గొన్నారు.