ప్లే ఆఫ్స్ రేసులో నిలవాలంటే తప్పక గెలవాల్సిన మ్యాచ్ లో పంజాబ్ కింగ్స్ దుమ్ము రేపింది. లక్నో సూపర్ జెయింట్స్ పై గ్రాండ్ విక్టరీ కొట్టింది. తొలుత బ్యాటింగ్ చేసిన లక్నో 6 వికెట్ల నష్టానికి 196 పరుగులు చేసింది. 197 రన్స్ టార్గెట్ ను పంజాబ్ 3 వికెట్లు మాత్రమే కోల్పోయి మరో 12 బంతులు మిగిలి ఉండగానే చేజ్ చేసింది.

శ్రేయస్ అయ్యర్ సూపర్ సెంచరీతో కదం తొక్కాడు. పంజాబ్ విజయంలో కీ రోల్ ప్లే చేశాడు. 51 బంతుల్లో 101 పరుగులతో నాటౌట్ గా నిలిచాడు. చివరి వరకు క్రీజులో ఉండి జట్టుకి అపూర్వ విజయం అందించాడు. ఈ గెలుపుతో పంజాబ్ ప్లే ఆఫ్స్ ఆశలను సజీవంగా నిలుపుకుంది. కాగా, పంజాబ్ ప్లే ఆఫ్స్ చేరడం అనేది రేపటి రెండు మ్యాచుల (ముంబై ఇండియన్స్-రాజస్తాన్ రాయల్స్, కోల్ కతా నైట్ రైడర్స్- ఢిల్లీ క్యాపిటల్స్) ఫలితాలపై ఆధారపడి ఉంటుంది.