మస్కట్: మస్కట్ అంతర్జాతీయ విమానాశ్రయంలోని కస్టమ్స్ అధికారులు భారీ మొత్తంలో మారిజూనాను సీజ్ చేశారు. ఇది 5.426 కిలోల బరువు ఉంటుందని, దీనిని  14 ప్యాకెట్లలో పొందుపరిచారని పేర్కొన్నారు. థాయ్ జాతీయుడైన ఒక ప్రయాణికుడి వ్యక్తిగత సామానులో ఈ ప్యాకెట్లు అత్యంత చాకచక్యంగా దాచి పెట్టి తరలిస్తుండగా, గుర్తించి స్వాధీనం చేసుకున్నామని కస్టమ్స్ అధికారులు వెల్లడించారు. నిందితుడిపై చట్టపరమైన ప్రక్రియలు చేపట్టినట్లు తెలిపారు.