యూఏఈః యూఏఈ లాటరీ జాక్‌పాట్‌లో ఈద్ అల్ అదా పర్వదినం రోజున ఒక అదృష్ట విజేత Dh30 మిలియన్ల సంపదను సొంతం చేసుకున్నారు. విజేతకు చెందిన టికెట్ అన్ని ఆరు సంఖ్యలను — 4, 9, 18, 20, 22 మరియు 24 — అలాగే 'లక్కీ నంబర్ 8'ని సరిగ్గా సరిపోల్చిందని ప్రకటించారు. వేలాది మంది ఇతర విజేతలు వివిధ బహుమతి విభాగాల కింద  నగదు బహుమతులను సొంతం చేసుకున్నట్టు యూఏఈ లాటరీ తెలిపింది.  
అయితే, Dh5 మిలియన్ల ద్వితీయ బహుమతి విభాగంలో ఎవరూ విజేతలుగా నిలవలేదు. ఈ డ్రాలో నాల్గవ బహుమతి విభాగంలో 53 మంది విజేతలుగా నిలిచారు. ఐదవ బహుమతి విభాగంలో 4,485 మంది  Dh100 చొప్పున బహుమతులను గెలుచుకున్నారు.
ఈ డ్రాలో మూడు 'లక్కీ ఛాన్స్ ID'లు కూడా ఒక్కొక్కటి Dh50,000 చొప్పున బహుమతిని దక్కించుకున్నాయి. విజేత IDలు వరుసగా CI5957759, DN9074079 మరియు DC7968428. మొత్తంగా, బుధవారం రాత్రి జరిగిన డ్రాలో 4,542 మంది విజేతలుగా నిలిచారు. యూఏఈ లాటరీ నిర్వహించే 'లక్కీ డే డ్రా' (Lucky Day Draw) వారానికి రెండుసార్లు జరుగుతుంది. దీని ద్వారా ప్లేయర్స్ ప్రతి వారం Dh30 మిలియన్ల జాక్‌పాట్‌ను గెలుచుకునే అవకాశాన్ని పొందుతారు.