దోహా: రెస్పిరేటరీ సిన్సిటియల్ వైరస్ (RSV) పై మరింత అవగాహన కల్పించాలని ఖతార్ ప్రజారోగ్య మంత్రిత్వ శాఖ (MoPH) మరోసారి పిలుపునిచ్చింది. ఈ వైరస్ కేవలం చిన్నపిల్లలకు వచ్చే సాధారణ జలుబు మాత్రమే కాదని, ఇది తీవ్రమైన శ్వాసకోశ సంబంధిత ఇన్ఫెక్షన్ అని, ముఖ్యంగా శిశువులలో న్యుమోనియా మరియు తీవ్రమైన శ్వాస తీసుకోవడంలో ఇబ్బందులకు దారితీయగలదని హెచ్చరించింది.

ఈ మేరకు ఇటీవల సోషల్ మీడియా వేదికగా అవగాహన ప్రచారం ప్రారంభించింది. RSV టీకా తల్లులు మరియు నవజాత శిశువులు ఇద్దరికీ ముందస్తు మరియు సమగ్ర రక్షణను అందిస్తుందని పేర్కొంది.  ఈ టీకా ప్రస్తుతం ఖతార్ వ్యాప్తంగా ఉన్న ప్రైమరీ హెల్త్ కేర్ కార్పొరేషన్ (PHCC) కేంద్రాలు మరియు హమద్ మెడికల్ కార్పొరేషన్ (HMC) ఆసుపత్రులలో ఉచితంగా అందుబాటులో ఉన్నాయని తెలిపింది.

 ప్రపంచ ఆరోగ్య సంస్థ (WHO) అంచనా ప్రకారం, ప్రపంచవ్యాప్తంగా ప్రతి సంవత్సరం ఐదేళ్లలోపు పిల్లలలో లక్షలాది శ్వాసకోశ ఇన్ఫెక్షన్లకు RSV కారణమవుతుంది. దాదాపు పిల్లలందరూ రెండేళ్ల వయస్సు వచ్చేలోపు కనీసం ఒక్కసారైనా RSV బారిన పడతారు.