ఎనిమిదేళ్ళ బాలిక, తాను నివసిస్తున్న భవంతి మూడో ఫ్లోర్‌ విండో నుంచి ప్రమాదవశాత్తూ కిందపడి, తీవ్రగాయాల పాలయ్యింది. బాధితురాలు ఇండియాకి చెందిన బాలికగా గుర్తించారు పోలీసులు. అల్‌ ఖువాయిర్‌లోని ఓ భవనంలో ఈప్రమాదం చోటు చేసుకుంది. బద్ర్‌ అల్‌ సమా ఆసుపత్రికి చెందిన అధికారి మాట్లాడుతూ, ఉదయం 10.35 ప్రాంతంలో తీవ్ర గాయాలతో ఉన్న బాలికను ఆమె తల్లి తమ వద్దకు తీసుకువచ్చారనీ, ఆమె తల నుంచి రక్తం కారుతోందని చెప్పారు. బాధితురాల్ని వెంటనే కాజువాలిటీ వార్డ్‌కి తరలించి, చికిత్స అందించామన్నారు. అనంతరం ఆమెను ఖౌలా హాస్పిటల్‌కి తరలించామని, అక్కడ అధునాతన వైద్య సౌకర్యాలు అందుబాటులో ఉన్నాయని ఆయన వివరించారు. ప్రస్తుతం ఆ బాలిక ఇంటెన్సివ్‌ కేర్‌ యూనిట్‌ చికిత్స పొందుతోంది ఖౌలా హాస్పిటల్‌లో.