కువైట్: అత్యంత ముఖ్యమైన కాలాలలో ఒకటైన “అల్ తురయా” సీజన్‌లోకి కువైట్ జూన్ 7న ప్రవేశిస్తుందని అల్-ఉజైరి సైంటిఫిక్ సెంటర్ ప్రకటించింది. ఈ సీజన్ 13 రోజుల పాటు ఉంటుందని పేర్కొంది.  ఈ సీజన్‌లో ఉష్ణోగ్రతలు గణనీయంగా పెరుగుతాయని, అలాగే వాయువ్య “అల్-బవారిహ్” గాలుల కార్యకలాపాలు అధికమవుతాయని తెలిపింది. అల్ తురయా సమయంలో వేడి, పొడి వాతావరణం ఉంటుందని, చెట్లు ఎండిపోవడం వంటి లక్షణాలు కనిపిస్తాయని వెల్లడించింది. ఈ కాలంలో సూర్యుడు తన అత్యంత ఉత్తర బిందువుకు సమీపంలో ఉదయించి, అస్తమిస్తాడని పేర్కొంది. అదే సమయంలో గల్ఫ్ దేశాలలో ఉష్ణోగ్రతలు పెరుగుతాయని సైంటిఫిక్ కేంద్రం తెలిపింది.