దోహా: వచ్చే వారం సముద్రం కల్లోలంగా ఉంటుందని ఖతార్ వాతావరణ శాఖ ఒక సముద్ర హెచ్చరికను జారీ చేసింది. సముద్ర తీరానికి వెళ్లేవారు తగిన జాగ్రత్తలు పాటించాలని సూచించింది. ఈమేరకు సోషల్ మీడియాలో చేసిన ఒక పోస్ట్‌ చేసింది. వచ్చే వారం చివరి వరకు సముద్రంలో బలమైన గాలులు మరియు భారీ అలలు వీచే అవకాశం ఉందని ఆ శాఖ పేర్కొంది.

ఈ కాలంలో అలల ఎత్తు 2 నుండి 6 అడుగుల మధ్య ఉంటుందని, అప్పుడప్పుడు అది 8 అడుగుల వరకు కూడా చేరే అవకాశం ఉందని తెలిపింది. ఈ హెచ్చరిక అమల్లో ఉన్న సమయంలో సముద్ర సంబంధిత కార్యకలాపాలకు దూరంగా ఉండాలని సూచించింది. ఇదిలా ఉండగా, పగటిపూట వాతావరణం వేడిగా నుండి అత్యంత వేడిగా ఉంటుందని, దోహాలో ఉష్ణోగ్రతలు కనిష్టం 32°C నుండి గరిష్టం 43°C మధ్య నమోదయ్యే అవకాశం ఉందని వాతావరణ శాఖ వెల్లడించింది.