అహ్మదాబాద్: ఐపీఎల్ 2026 విజేతగా రాయల్ చాలెంజర్స్ బెంగళూరు నిలిచింది. ఫైనల్లో గుజరాత్ టైటాన్స్ పై ఘన విజయం సాధించింది ఆర్సీబీ. ఆల్ రౌండ్ షోతో బెంగళూరు దుమ్మురేపింది. తొలుత బ్యాటింగ్ చేసిన గుజరాత్ 20 ఓవర్లలో 8 వికెట్ల నష్టానికి 155 పరుగులే చేసింది. 156 రన్స్ టార్గెట్ ను ఆర్సీబీ చేజ్ చేసింది. ఆర్సీబీకి ఇది రెండో ఐపీఎల్ ట్రోఫీ. అంతేకాదు బ్యాక్ టు బ్యాక్ టైటిల్ ను కైవసం చేసుకుంది.

క్వాలిఫ‌య‌ర్‌-1లో గుజరాత్ టైటాన్స్‌ను ఓడించిన ఆర్సీబీ.. ఫైన‌ల్‌లోనూ మ‌రోసారి ఆ జ‌ట్టును ఓడించి వ‌రుస‌గా రెండోసారి ట్రోఫీని ముద్దాడింది. ఆర్సీబీ ఫైనల్ కి చేరడం ఇది ఐదోసారి కాగా, రెండుసార్లు విజేతగా నిలిచింది. 17 ఏళ్ల పోరాటం తర్వాత గతేడాది నెగ్గిన ట్రోఫీని నిలబెట్టుకుంది ఆర్సీబీ.