జెడ్డా: మిడిలీస్టులో నెలకొన్న ప్రస్తుత పరిణామాలపై సౌదీ క్రౌన్ ప్రిన్స్ మరియు ప్రధానమంత్రి మహమ్మద్ బిన్ సల్మాన్ కు ఫ్రాన్స్ అధ్యక్షుడు ఇమ్మాన్యుయేల్ మాక్రాన్ ఫోన్ చేసి మాట్లాడారు. ప్రాంతీయంగా భద్రత మరియు స్థిరత్వాన్ని పెంపొందించే లక్ష్యంతో కొనసాగుతున్న దౌత్యపరమైన ప్రయత్నాలు, అలాగే సముద్ర భద్రత మరియు నౌకాయాన స్వేచ్ఛను నిర్ధారించడంపై ఇరు దేశాధినేతలు చర్చించారు.
అనంతరం, క్రౌన్ ప్రిన్స్ మరియు మాక్రాన్, సౌదీ అరేబియా మరియు ఫ్రాన్స్ మధ్య ఉమ్మడి సహకార రంగాలను సమీక్షించారు . అనేక రంగాలలో వాటికి మద్దతు ఇవ్వడానికి మరియు మరింత బలోపేతం చేయడానికి మార్గాలపై చర్చించారు. వారి చర్చలలో పరస్పర ఆసక్తి ఉన్న అనేక ప్రాంతీయ మరియు అంతర్జాతీయ సమస్యలు కూడా ప్రస్తావనకు వచ్చాయని అదికార వర్గాలు తెలిపాయి.