మస్కట్: ఒమన్ ఫ్లోర్ మిల్స్ వరుసగా ఆరవ సంవత్సరం కూడా ఒమన్ సుల్తనేట్ అంతటా ఉన్న రైతుల నుండి 2026 నాటి ఒమానీ గోధుమ పంటను స్వీకరించడం ప్రారంభించింది. వ్యవసాయ, మత్స్య మరియు నీటి వనరుల మంత్రిత్వ శాఖ ప్రయత్నాలకు ప్రత్యక్ష మద్దతు మరియు సమన్వయంతో కంపెనీ ఏటా అమలు చేసే అత్యంత ముఖ్యమైన జాతీయ వ్యూహాత్మక కార్యక్రమాలలో 'ఒమానీ గోధుమల సేకరణ మరియు కొనుగోలు కార్యక్రమం' ఒకటి. ఈ కార్యక్రమం రైతులకు సాధికారత కల్పించడంలోనూ, వ్యూహాత్మక పంటగా గోధుమ సాగును విస్తరించేలా వారిని ప్రోత్సహిస్తుంది. అలాగే ఆహార సరఫరా వ్యవస్థలలో స్థానిక ఉత్పత్తిపై ఆధారపడటాన్ని పెంచడంలోనూ దోహదపడుతుంది.

ఆహార భద్రతను పెంపొందించడంలోనూ, రైతులకు మద్దతు మరియు సాధికారత కల్పించడంలోనూ ఒమానీ గోధుమల కార్యక్రమం అత్యంత విజయవంతమైన జాతీయ నమూనాలలో ఒకటిగా నిలుస్తుందని ఒమన్ ఫ్లోర్ మిల్స్ సీఈఓ హైథమ్ బిన్ మహమ్మద్ అల్ ఫన్నా పేర్కొన్నారు.

ఒమన్ ఫ్లోర్ మిల్స్ కంపెనీలో సీఈఓ కార్యాలయ డైరెక్టర్ ఫైసల్ బిన్ సలీం అల్-మషానీ మాట్లాడుతూ..  ఒమానీ గోధుమల సేకరణ కార్యక్రమం రైతుల పెరుగుతున్న విశ్వాసాన్ని బలోపేతం చేయడంలో ఒక కీలకమైన అంశమని పేర్కొన్నారు. ఈ కార్యక్రమం రైతులకు స్థిరమైన, వ్యవస్థీకృతమైన మార్కెట్ ను అందించడంలో దోహదపడిందని, దీనివల్ల ఉత్పత్తి నాణ్యతపై సానుకూల ప్రభావం పడి, ఏటా అందే దిగుబడుల పరిమాణం పెరిగిందని, అంతేకాకుండా సాగు, కోత, సరఫరా కోసం ఆమోదించబడిన సాంకేతిక ప్రమాణాలకు కట్టుబడి ఉండే స్థాయి కూడా పెరిగిందని ఆయన పేర్కొన్నారు.