కువైట్: ఫహహీల్ ఎక్స్‌ప్రెస్‌వేపై ఆదివారం సాయంత్రం అగ్నిప్రమాదం చోటుచేసుకుంది. అల్-బిదా ఫైర్ సెంటర్ సిబ్బంది ఓ క్రేన్‌కు అంటుకున్న మంటలను  విజయవంతంగా అదుపులోకి తెచ్చారు. ఈ ఘటనలో ఎవరికీ ఎటువంటి గాయాలు కాలేదు. అగ్నిమాపక సిబ్బంది వెంటనే ఘటనా స్థలానికి చేరుకుని మంటలను అదుపు చేయడంతో పాటు, అవి మరింతగా వ్యాపించకుండా నివారించారు. ఈ ఘటనలో ఎటువంటి ప్రాణనష్టం జరగలేదని అధికారులు తెలిపారు. అయితే అగ్నిప్రమాదానికి గల కారణాలను అధికారులు వెల్లడించలేదు.