యూఏఈ: ఇస్లామిక్ చంద్ర క్యాలెండర్‌లోని మొదటి నెల అయిన ముహర్రం 15వ రోజున మక్కాలోని మస్జిద్ అల్ హరామ్‌లో ఒక వార్షిక వేడుకను ఘనంగా నిర్వహించారు. ఈ వేడుకలో అత్యంత ప్రతీకాత్మకంగా మరియు జాగ్రత్తగా పవిత్ర కాబాను కడిగారు. సాంప్రదాయ పద్ధతుల్లో పలు దశలను నిర్వహించారు. ఇందుకోసం గులాబీ నీరు మరియు సుగంధ తైలాలతో కలిపిన జమ్జమ్ నీటిని ఉపయోగించారు. ఈ సంవత్సరం, రెండు పవిత్ర మసీదుల సంరక్షకుడు, కింగ్ సల్మాన్ బిన్ అబ్దుల్ అజీజ్ అల్ సౌద్ తరపున మక్కా ప్రాంత డిప్యూటీ గవర్నర్ ప్రిన్స్ సౌద్ బిన్ మిషాల్ బిన్ అబ్దుల్ అజీజ్ ఈ వార్షిక వేడుకలో పాల్గొన్నారు.

జూన్ నెల ప్రారంభంలో ముస్లింల ఖిబ్లా పట్ల సౌదీ అరేబియా  నిరంతర శ్రద్ధను ప్రతిబింబించే ఒక వార్షిక ఆచారంలో భాగంగా కాబాపై కొత్త కిస్వాను కప్పారు. మక్కాలోని కాబా కిస్వాహ్ కోసం కింగ్ అబ్దుల్ అజీజ్ కాంప్లెక్స్‌లో సౌదీ కళాకారులు దీనిని తయారు చేశారు.