మనామా: బహ్రెయిన్ లో భద్రతా తనిఖీ కేంద్రం వద్ద పోలీసులు తమ విధులను నిర్వర్తిస్తుండగా వీడియో చిత్రీకరించిన 29 ఏళ్ల ఆసియా దేశానికి చెందిన ఒక వ్యక్తిని పోలీసులు అరెస్ట్ చేశారు. అతనిపై సోషల్ మీడియా వేదికలను దుర్వినియోగం సంబంధిత కేసులు నమోదుచేసినట్లు హోం మంత్రిత్వ శాఖ ప్రకటించింది.

ఈ కేసును పబ్లిక్ ప్రాసిక్యూషన్‌కు అప్పగించే ప్రక్రియలో భాగంగా, సదరు వ్యక్తిపై నిర్ణీత చట్టపరమైన చర్యలు తీసుకున్నట్లు తెలిపింది. అధికారులు  నిర్దేశించిన నిబంధనలను ఖచ్చితంగా పాటించాలని మరియు సోషల్ మీడియా వేదికలను ఉపయోగించేటప్పుడు బాధ్యతాయుతంగా వ్యవహరించాలని ప్రజలందరికీ హోం మంత్రిత్వశాఖ సూచించింది.