మస్కట్: ప్రాంతీయ, ప్రపంచ వ్యాప్తంగా నెలకొని ఉన్న పలు సమస్యలపై కెనడా విదేశాంగ మంత్రి అనితా ఆనంద్ తో టెలిఫోన్ ద్వారా ఒమన్ విదేశాంగ మంత్రి సయ్యద్ బదర్ బిన్ హమద్ అల్ బుసైదీ చర్చలు జరిపారు. ఇరు దేశాల మధ్య ద్వైపాక్షిక సంబంధాలపై చర్చించడంతో పాటు, ఇటీవల ఒమన్ సుల్తానేట్‌లో జరిపిన పర్యటన ఫలితాలపై కూడా సమీక్షించారు. అలాగే పరస్పర ఆసక్తి ఉన్న రంగాలలో భాగస్వామ్య పరిధిని విస్తరించడంపై కూడా ఇరువురు నేతలు దృష్టి సారించారు.

ఇరు పక్షాలు ప్రాంతీయ, అంతర్జాతీయ పరిణామాలపై సమీక్షించాయి. ఉద్రిక్తతలకు మూలాలను తగ్గించడం, భద్రత, స్థిరత్వం మరియు శ్రేయస్సు కోసం విస్తృత అవకాశాలను కల్పించడం లక్ష్యంగా, రాజకీయ మరియు దౌత్యపరమైన ప్రయత్నాలను ముమ్మరం చేయాలని పిలుపునిచ్చారు. అలాగే, ఒప్పందాలను అమలు చేయడానికి అనుకూలమైన వాతావరణాన్ని రూపొందించాలని ఇరుపక్షాలు సూచించాయి.