కువైట్: వాహనాల బాడీలు లేదా కిటికీలపై అనధికారిక స్టిక్కర్లు, రాతలు లేదా చిత్రాలతో అలంకరించవద్దని కువైట్ ట్రాఫిక్ విభాగం హెచ్చరిక జారీ చేసింది. గ్రాడ్యుయేట్స్ వేడుకల వంటి సామాజిక కార్యక్రమాల సమయంలో సర్వసాధారణంగా కనిపించే ఈ పద్ధతులను ఈ నోటీసులో ప్రత్యేకంగా ప్రస్తావించారు.

ఇటువంటి మార్పులు ట్రాఫిక్ నిబంధనలకు వ్యతిరేకమని తెలిపారు. ఇలాంటి ఉల్లంఘనలకు జరిమానాలు విధించడంతోపాటు వాహనాన్ని స్వాధీనం చేసుకొని, జైలు శిక్ష కూడా విధించే అవకాశం ఉందని పేర్కొంది. వాహన ప్రమాణాలను మరియు  రహదారి భద్రతను పరిరక్షించే చట్టాలను పాటించాలని కోరింది. బాధ్యతాయుతంగా ఆయా వేడులకను జరుపుకోవాలని అధికారులు డ్రైవర్లకు పిలుపునిచ్చారు.