దోహా: జనరల్ డైరెక్టరేట్ ఆఫ్ ట్రాఫిక్ సూమ్(Sooum) యాప్ ద్వారా ప్రత్యేకమైన వాహన నంబర్ ప్లేట్ల కొత్త శ్రేణిని విడుదల చేస్తున్నట్లు ప్రకటించింది. సోషల్ మీడియాలో చేసిన ప్రకటన ప్రకారం, ఈ కొత్త నంబర్ల కోసం 'ఆసక్తిని వ్యక్తం చేసే' (expression of interest) ప్రక్రియ జూలై 5న  ఉదయం 8 గంటలకు యాప్‌లోని నిర్దేశిత విభాగంలో ప్రారంభమవుతుంది.
ఆసక్తి గల బిడ్డర్లు తమకు కావలసిన నంబర్ కోసం ఆసక్తిని నమోదు చేసుకోవాలని మరియు ఈ ప్రక్రియ ప్రారంభమైన 72 గంటల లోపు సెక్యూరిటీ డిపాజిట్‌ను చెల్లించాలని సూచించారు. ఆసక్తిని వ్యక్తం చేసే గడువు ముగిసిన తర్వాత, ఆసక్తి గల బిడ్డర్లు 24 గంటల పాటు జరిగే అంతర్గత వేలంలో పాల్గొంటారు.

ఒక నిర్దిష్ట నంబర్ పట్ల కేవలం ఒక్కరు మాత్రమే ఆసక్తి చూపిస్తే, అది నిర్ణీత ధరకు విక్రయించబడుతుందని, అదే ఒకటి కంటే ఎక్కువ మంది ఆసక్తి చూపిస్తే, వారందరి మధ్య అంతర్గత వేలం నిర్వహించబడి అత్యధిక ధరను కోట్ చేసిన వారికి ఆ నంబర్ కేటాయించబడుతుందని రవాణా శాఖ పేర్కొంది.