న్యూ ఢిల్లీ: రైలు టిక్కెట్ బుక్ చేసేటప్పుడు 'ప్రయాణ బీమా' బాక్స్‌ను చాలామంది పట్టించుకోరు. కానీ, కేవలం 45 పైసలకే రూ. 10 లక్షల వరకు రక్షణ కల్పించే 'ఎంబెడెడ్ ఇన్సూరెన్స్' సౌకర్యం అందుబాటులో ఉంది. ఈ విధానం ద్వారా వినియోగదారులు సులభంగా, తక్కువ ధరకే బీమా పొందవచ్చు. గతంలో సుదీర్ఘ ప్రక్రియగా ఉన్న బీమా కొనుగోలు, ఇప్పుడు సాంకేతిక అనుసంధానం వల్ల ఒక్క క్లిక్‌తో అందుబాటులోకి వచ్చింది. స్మార్ట్‌ఫోన్‌లు, ల్యాప్‌టాప్‌లు వంటి ఎలక్ట్రానిక్ పరికరాలకు కూడా ఈ తరహా బీమా సౌకర్యం అందుబాటులో ఉంది. ఇది ఆటోమేటిక్ లేదా ఐచ్ఛిక ఎంపికగా లభిస్తుంది.