కాలంతో సంబంధం లేకుండానే కొందరి పెదాలు పొడిబారి ఇబ్బంది పెడుతుంటాయి. వాటి మెరుపూ దూరమవుతుంది. ఆ సమస్య పరిష్కారానికి ఇంట్లో దొరికే సహజ ఉత్పత్తులూ సాయపడతాయి. అదెలాగంటే...
*
తేనెలో మునివేళ్లను ముంచి.. పెదాలకు రాసుకోవాలి. కాసేపయ్యాక మృదువుగా మర్దన చేసుకోవాలి. పదినిమిషాలయ్యాక గోరువెచ్చని నీళ్లతో కడిగేసుకుంటే తేమ అంది సున్నితంగా మారతాయి.
*
గుప్పెడు రేకల్ని నీళ్లల్లో రెండుమూడు గంటలు నాననివ్వాలి. తరవాత మెత్తగా చేసి దానికి చెంచా పాలు చేర్చి.. పెదాలకు పూతలా వేసుకోవాలి. పావుగంటయ్యాక శుభ్రం చేసుకుంటే మురికీ, నలుపుదనం తగ్గిపోయి కాంతిమంతంగా కనిపిస్తాయి.
*
బీట్‌రూట్‌ ముక్కల్ని గుజ్జుగా చేసి అందులో గులాబీనీళ్లు కలిపి.. ఐస్‌ ట్రేలో పోయాలి. దాన్ని డీప్‌ ఫ్రిజ్‌లో ఉంచి... రెండుమూడు గంటల తరవాత తీయాలి. బీట్‌రూట్‌ ఐస్‌క్యూబ్‌లతో పెదాల మీద మర్దన చేసుకోవడం వల్ల చక్కటి చాయ మీ సొంతమవుతుంది.
*
దానిమ్మ గింజలు ఆరోగ్యానికే కాదు... అందానికీ మేలు చేస్తాయి. వీటిలో సహజ బ్లీచింగ్‌ గుణాలుంటాయి. అందుకే దానిమ్మ గింజల్నుంచి రసం తీసి అందులో దూదిని ముంచి పెదాల మీద అద్దుకోవాలి. వీటిలోని సహజ బ్లీచింగ్‌ గుణాలు టాన్‌ను పోగొట్టి పెదాలను మృదువుగా మారుస్తాయి.