మస్కట్: ఒమన్‌లోని ధోఫార్ గవర్నరేట్‌లో సలాలా విలాయత్ తీరానికి సమీపంలో సముద్రంలో పడవ మునిగిపోయింది. ఈ ఘటనలో పడవలో చిక్కుకున్న ఓ ఒమాని పౌరుడిని కోస్ట్ గార్డ్ పోలీసులు సురక్షితంగా రక్షించారు.

ఎత్తైన అలలు, సముద్రం అల్లకల్లోలంగా ఉండటంతో పడవ మునిగిపోయిందని రాయల్ ఒమాన్ పోలీసులు ఒక ప్రకటనలో తెలిపారు. రక్షించిన వ్యక్తికి వెంటనే ప్రథమ చికిత్స అందించగా, ప్రస్తుతం అతను క్షేమంగా ఉన్నట్లు అధికారులు వెల్లడించారు.

ప్రమాదకర డ్రిఫ్టింగ్.. జీసీసీ నేషనల్ అరెస్ట్

సలాలా విలాయత్‌లో వాహనంతో ప్రమాదకర విన్యాసాలు (డ్రిఫ్టింగ్) చేసిన జీసీసీ దేశానికి చెందిన ఓ వ్యక్తిని ధోఫార్ గవర్నరేట్ పోలీసు కమాండ్ అరెస్ట్ చేసింది. అతని నిర్లక్ష్య డ్రైవింగ్ కారణంగా తనతో పాటు ఇతర వాహనదారుల ప్రాణాలను కూడా ప్రమాదంలోకి నెట్టినట్లు పోలీసులు తెలిపారు.  నిందితుడిపై చట్టపరమైన చర్యలు కొనసాగుతున్నాయని అధికారులు వెల్లడించారు.