దోహా: జూలై 16 నుంచి ఖతార్‌లో వేసవిలో అత్యంత వేడిగా ఉండే కాలం ప్రారంభమవుతుందని ఖతార్ వాతావరణ శాఖ (QMD) వెల్లడించింది. అల్-హన్అహ్ (Al-Han'ah) నక్షత్రం ఉదయించడంతో ఈ దశ ప్రారంభమవుతుందని తెలిపింది.ఈ నక్షత్రం  13 రోజుల పాటు కనిపించనుంది. ఈ కాలాన్ని స్థానికంగా "జమ్రత్ అల్-ఖయ్జ్" అని పిలుస్తారు. ఈ సమయంలో పగటి ఉష్ణోగ్రతలు గరిష్ఠ స్థాయికి చేరుకుని, అర్ధరాత్రి వరకు కూడా వేడి కొనసాగుతుందని వాతావరణ శాఖ పేర్కొంది.

అలాగే, ఈ దశలో పొడి వాతావరణం క్రమంగా తగ్గి, ముఖ్యంగా తీర ప్రాంతాల్లో గాలిలో తేమ (హ్యూమిడిటీ) పెరుగుతుందని తెలిపింది. దీంతో పొగమంచు ఏర్పడే అవకాశాలు కూడా ఎక్కువగా ఉంటాయని పేర్కొంది. ఇదే సమయంలో గాలుల వేగం సాధారణంగా తగ్గే అవకాశం ఉందని వాతావరణ శాఖ వెల్లడించింది.